Манасчы Дөөлөт Сыдыков "Манастын төрөлүшүн" 9 саат айтты

Жазылуу
НовостиTelegram
Жети күндүк Манас айтуу 4-декабрда соңуна чыгат. Бул күн Кыргызстанда расмий түрдө "Манас күнү" катары белгиленип келет. Ага байланыштуу республиканын булуң-бурчунда ар кандай иш-чаралардын өткөрүлүшү пландаштырылып жатат.

БИШКЕК, 2-дек. — Sputnik. Бишкекте беш күндөн бери күпүлдөтө Улуу жомокту айткан манасчылар Семетей, Сейтек окуяларын аяктап, Манастын өзүн айта башташты. Бул тууралуу белгилүү манасчы Замирбек Баялиев билдирди.

Манасчылар "Семетейди" аяктап, "Сейтекке" жетишти
Үстүбүздөгү жылдын 27-ноябрында башталган Манас айтуу көпчүлүк элдин суроосу менен Семетей окуясынан башталган

Кечээ, 1-декабрь күнү Манастын төрөлүшүнөн башталган окуяны манасчы Дөөлөт Сыдыков тогуз саат бою айтканы айтылууда. Күндөп-түндөп айтып жаткан манасчылар учурда Манастын алгачкы эрдиктерин саймедирешүүдө.

Манас айтуу 4-декабрь күнү аяктайт. Бул күндү Кыргызстан 2013-жылдын 4-декабрында "Манас", "Семетей", "Сейтек" үчилтиги адамзаттын материалдык эмес маданий мурасы катары ЮНЕСКОнун тизмесине киргенден бери карай "Манас күнү" деп расмий белгилеп келет.

Жаңылыктар түрмөгү
0