Перуда инктерден мурун жашаган элдин учугу чыкты

© Sputnik / Рамиль Ситдиков / Медиабанкка өтүүИнктердин жарактары боюнча көргөзмөдөн. Архив
Инктердин жарактары боюнча көргөзмөдөн. Архив - Sputnik Кыргызстан
Жазылуу
Ичма маданиятын кирген элдердин сөөгү биринчи жолу табылды. Перулук археологдордун табылгасы ичма эли азыркы Лиманын аймагын жердеп турганын айгинелейт.

БИШКЕК, 29-ноя. — Sputnik. Археологдор Лиманын чок ортосунан ичма маданиятына тиешелүү төрт көрдү табышкан. Ал адамдардын көмүлгөнүнө кеминде миң жыл болгонун Business Insider жазып чыкты.

"Маалыматка ылайык, 1000-жылдан 1450-жылдардын аралыгында жашаган төрт чоң кишинин үчөө аял, ал эми бирөөсү эркек адам болгон", — дейт Уака Пукьяна (Huaca Pucllana) комплексинде казууга жетекчилик кылган археолог Изабель Флорес.

Пирамида формасындагы күмбөздөрдөн кийим кийип, деңизди карап отурган адам сөөктөрүнүн калдыгы табылган. Алардын жанында үй тиричилик буюмдары, керамикадан жасалган идиш-аяк, токуу жабдыктары аныкталган.

Байыркы Египеттин 4,5 миң жыл мурун коюлган фараонунун күмбөзү табылды
Флорес ичма маданиятына тиешелүү сөөктөр биринчи жолу табылып жатканын белгиледи. Ал мындан ары да иштин жүрүшүндө башка археологиялык табылгаларга ээ болоруна ишеним артты. 

Перулук археологдордун табылгасы ичма эли азыркы Лиманын аймагын жердеп турганын айгинелейт. Ичма маданияты Перунун борбордук жээгинде инк цивилизациясына сиңип кеткенге чейин 1000-1450-жылдары жашап келген.

Жаңылыктар түрмөгү
0