БИШКЕК, 28-ноя. — Sputnik. Кыргызстандын туңгуч президенти Аскар Акаевге дүйнөнүн Гузи сыйлыгы ыйгарылганын аталган премиянын расмий сайты жарыялады.
Маалыматка ылайык, Гузи Нобель сыйлыгынын азиялык аналогу болуп саналат. Сыйлык тапшыруу аземи Филиппиндин борбору Манила шаарында өттү.
Быйыл аталган сыйлык тынчтыкты орнотуп, адам укугун сактоого салым кошкон жана илим менен искусствого эмгек сиңирген ар өлкөнүн 18 өкүлүнө ыйгарылды.
Аскар Акаевге Гузи дүйнөлүк динамиканын өнүгүшүн божомолдоо жана моделдештирүү методологиясына кошкон салымы үчүн берилди. Акаевден тышкары, бул жогорку сыйлыкка Португалия менен Белоруссиянын мурунку президенттери татыды.
Бүгүнкү күндө Гузи абройлуулугу жагынан Нобель жана Пулитцер сыйлыктары менен бир катарда турат. Ал 2002-жылдан бери эмгеги сиңген ишмерлерге ыйгарылып келет.
