Окшош маанилүү ысымдар
Чолпон жана Венера деген аттардын окшоштугу – жылдыздын кыргызча жана башка тилдерде аталышы.
Ал эми Венера деген ат биздин маданиятка кийин эле, совет доорунда келген. Белгилүү болгондой, бул байыркы рим кудайларынын бирине да таандык ат. Бизге ал Чолпон жылдыздын орус тилиндеги аталышы катары эмес, ошол маданий-тарыхый мазмундагы билимдин элге жайылышы менен келген деп ишеничтүү айтууга болот.
Жылдыз деген энчилүү ат, ошондой эле "жылдыздуу", "жылдызы жарык" деген баа берүүчүлүк мазмундагы сөздөр Чолпонго үндөш экени айкын.
Негизи бул аттар кызга берилгени менен, Жылдызбек, Чолпонбек, Чолпонкул, Чолпонбай деген эркек ысымдары жалпыга белгилүү.
Кош маанилүү ысымдардан
Кыргыздарда кеңири тараган аттардын ичинен келип чыгыш жолу эки башка айтылып, көп учурда бири-бирине шайкеш келбеген кош маанидеги аттар да кездешет.
Бул жагынан Элмира кыргыздын эл, орустун мир жана кыздардын атына кошула колчу –а мүчөсүнөн турат.
Экинчи чечмелениши: Элмир(а) деген ат абийирдүү, уяттуу деген мааниге ээ. Дагы бир мааниси – белгилүү, элге таанылган деп айтылып жүрөт.
Азыр кыргыздар арасында оозго алынган ушул аттуу инсан – белгилүү төкмө акын, ырчы Элмирбек Иманалиев.
