БИШКЕК, 27-ноя. — Sputnik. Россия 2016-жылдын 1-январынан тарта Түркия менен визалык режимди киргизүү чечими кабыл алды. Бул тууралуу РФ тышкы иштер министри Сергей Лавров билдирди.
"Россиянын жетекчилиги Түркия менен болгон визасыз режимди токтотуу тууралуу чечим кабыл алды. Ал кийинки жылдын январынан тарта күчүнө кирет", — деп Лавров маалымат жыйында билдирди.
Косачев мындай байланыштар экстремисттик элементтердин Түркиянын аймагына кирип, "аларга жакпаган" өлкөлөргө террордук кызыкчыларын колдонууга алып келиши мүмкүн деген шектенүү бар экенин баса белгиледи.
"Мындай учурда визалык режимди катуулатуу улуттук коопсуздукту камсыздоого карата көрүлгөн чаралардын бир бөлүгү",— дейт ал.
Визасыз режимди токтотуу Москванын Анкарага карата жасаган акыркы аракети эместигин Мамдуманын эл аралык комитетинин төрагасынын орун басары Леонид Калашников айтат.
"Менимче мындай туура чечимдер акыркылардан эмес. Түркия тараптан да ушундай эле чечим кабыл алабы же жокпу ал биздин ишибиз эмес. Алар үчүн биздин туристтер жыл сайын барып 4 миллиардаган каражатты коротуп келүүсү маанилүү", — дейт ал.
Москва менен Анкаранын мамилеси Су-24 аскер учагынын түрктөрдүн F-1 учагы тарабынан аткыланып кыйратылгандан кийин солгундай түшкөн. Бул аракеттер Россия менен Түркиянын мамилелерине доо кетиргенин премьер-министр Дмитрий Медведев билдирген эле.
