Медведев "Су-24" окуясы боюнча: Россия менен Түркиянын ынтымагына доо кетти

© Sputnik / Дмитрий Астахов / Медиабанкка өтүүРоссиянын премьер-министри Дмитрий Медведев. Архив
Россиянын премьер-министри Дмитрий Медведев. Архив - Sputnik Кыргызстан
Жазылуу
Россиянын "Су-24" учагы Түркиянын F-16 учагынан чыгарылган ракета менен Сириянын асманынан атып түшүрүлгөн. Россия премьери окуяга комментарий берип жатып, ал эки өлкөнүн ортосундагы мамилеге кесепетин тийгизерин айтты.

БИШКЕК, 25-ноя. — Sputnik. Россиянын "Су-24" учагын атып салган Түркиянын аракеттери эки өлкөнүн ортосундагы жакшы мамилерди, анын ичинде экономикалык жана гуманитардык тармактагы карым-катнаштарды солгундатып, андан тарта турган зыяндын ордун толтуруу кыйын болот деди РФтин премьер-министри Медведев.

Шейшембиде Россиянын "Су-24" учагы Сирияда кыйроого учураган. Президент Владимир Путин учакты F-16 үлгүсүндөгү учагы "аба-аба" түрүндөгү ракета менен Түркиянын чек арасынан төрт чакырым алыс жерден атып түшүргөнүн билдирип, муну террорчулардын жактоочуларынын "аркага бычак сайганы" деп атаган эле. 

Медведев "Су-24" учагына байланышкан кырдаал боюнча Түштүк-Чыгыш Азияга болгон иш сапарынан кийин Екатеринбургга келгенден кийин өз оюн айтты. 

"Россиянын учагын атып түшүргөн түрк бийлигинин акылсыз кылмыштуу аракеттеринин кесепетинен, биринчиден, РФ менен НАТОнун мамилеси курчуп, аны эч кандай, ал турсун мамлекеттик чек араны коргоо кызыкчылыгы актай албайт. Экинчиден, Түркия өз аракеттери менен "Ислам мамлекетинин" согушкерлерин жактай турганын көрсөттү. Айрым түрк башчылары "Ислам мамлекетени" тиешелүү ишканалардан чыккан мунай заттарына каржылык кызыкчылык артаарын эске алганда, буга таң калып болбойт. Үчүнчүдөн, Россия менен Түркиянын көптөн берки жакшы мамилери, анын ичинде экономикалык жана гуманитардык тармактагы карым-катнаштарды солгундады. Эми мындан тарта турган зыяндын ордун толтуруу кыйын болот, бир катар олуттуу биргелешкен долбоорлордон баш тартуудан түрк компаниялары россиялык рынокто өз орундарын жоготот", — деди Медведев.

РФнын Коргоо министрлиги Су-24 учагы жерден аткылоодон улам кыйроого учураганын билдирген.

Жаңылыктар түрмөгү
0