БИШКЕК, 28-ноя. — Sputnik. Бишкекте мектеп окуучуларынын арасында жолдо жүрүү коопсуздугуна арналган акция болуп өткөнүн мэрия билдирди.
Маалыматка ылайык, иш-чара шаар көчөлөрүндө балдар кабылган жол кырсыктарынын алдын алуу, буга айдоочулардын көңүлүн буруу максатын көздөдү.
Акция Алматы менен Горький көчөлөрүнүн жана Ден Сяопин менен Алымкулов көчөлөрүнүн кесилишинде өттү.
Жол инспекторлорунун коштоосунда өткөн иш-чара учурунда айдоочуларга жол эрежелери, эскертүүлөр чагылдырылып, "Мен ден соолугум чың болуп чоңойгум келет", "Айдоочу, сени үйдө күтүп жатышат" деген жазуулары бар сүрөттөр тартылган баракчалар таратылды. Мэриянын билим берүү башкармалыгы бул баракчаларды балдар өз колу жасаганын белгиледи.
