Бишкекте "Мас айдоочу" аттуу социалдык эксперимент жүргүздүк.
Сценарий боюнча, мас абалындагы жигит машинасына отурууга аракет кылат. Ошол эле учурда ал колундагы "арактан" кулкулдатып жутуп турмак.
Биздин актер ары-бери өткөндөргө машинанын эшигин ачып берип койгула деп кайрылды.
Социалдык экспериментке туш болгон 20 кишинин тогузу "мас" айдоочуну рулга отурбай эле кой деп көндүрсө, сегизөө кайдыгер карап өтүп кеткен. Эки киши эч нерсе дебестен машинасынын эшигин ачып берсе, бир киши өз машинасы менен үйүнө жеткирип коюуну сунуштады.
Эксперимент учурунда актер бир грамм да арак ичкен жок. Ал эми бөтөлкөдө болгону таза суу бар болчу.
