БИШКЕК, 23-ноя. — Sputnik. Майып Аманжан Шүкүровдун үй-бүлөсү премьер-министр Темир Сариевдин жеке каражатына курулган жаңы үйгө киргенин өкмөттүн маалымат кызматы билдирди.
Үстүбүздөгү жылдын 24-сентябрь күнү белгиленген Курман айт майрамында Сариев Шүкүровдун үй-бүлөсүнүн абалы менен таанышкан. Ал үй-бүлө мүчөлөрүнүн баары мүмкүнчүлүгү чектелген адамдар экенин, майыптыгы боюнча алардын эмгектенүүгө мүмкүндүгү жок экенин айтып берген. Алар майыптыгы боюнча мамлекеттик жөлөк пул жана акчалай компенсация дайындоо бөлүмүндө каттоодо турат.
Премьер-министр менен маектешүү учурунда Шүкүров көп убакыттан бери карай үйүн оңдой албай жүргөндүгүн айткан.
Буга байланыштуу өкмөт башчы аталган үй-бүлө үчүн кышкы суукка дейре жаңы үй куруп берүү маселесин жеке көзөмөлүнө алган.
Учурда бардык шарты каралган үй толук курулуп бүтүп, ден соолугу боюнча мүмкүнчүлүгү чектелген жарандар жаңы турак-жайга киргизилди.
