Кыргызстандын түштүгүндө кайтадан жер силкинди

© AFP 2023 / FREDERICK FLORINСлучаи землетрясения
Случаи землетрясения - Sputnik Кыргызстан
Жазылуу
Сейсмология институтунун сейсмикалык коркунучту аныктоо лабораториясынын башчысы Медербек Өмүралиевдин айтымында, катталган жердин силкинүүсү — афтершок (ири жер титирөөдөн кийин болчу майда жер титирөөлөр) экенин айтты.

БИШКЕК, 20-ноя. — Sputnik. Кыргызстандын түштүк аймагында кайтадан жер силкинди. Бул тууралуу Ош шаарынын тургундары билдирди.

"Жер кайтадан титиреп, көп кабаттуу үйдө жашагандар сыртка чуркап чыгышты. Үйдүн дубалдары чытырай түштү. Бирок, жердин силкинүүсү катуу болгон жок. Болжол менен 2-3 баллдай болду окшойт", — деп жергиликтүү тургундар маалымдашты.

Сейсмология институтунун сейсмикалык коркунучту аныктоо лабораториясынын башчысы Медербек Өмүралиевдин айтымында, катталган жердин силкинүүсү — афтершок (ири жер титирөөдөн кийин болчу майда жер титирөөлөр) экенин айтты.

"17-ноябрдан 18-ноябрга караган түнү болгон ири жер титирөөдөн кийин биз 60га жакын афтершокту каттадык", — деди ал.

Өкмөт башчы баштаган аткаминерлер жер титирөөдөн жабыркаган Кара-Суу жана Алай райондорунда болуп, жаратылыш кырсыгынан жабыркагандар менен жеринен таанышкан.

ӨКМдин алдын ала берген маалыматына ылайык, 400гө жакын үй жараксыз абалга келген.

Жаңылыктар түрмөгү
0