БИШКЕК, 15-ноя. — Sputnik. Кыргызстан, Казакстан, Тажикстан, Өзбекстан жана Россиянын балбандары Улуттук олимпиада комитетинин туңгуч президенти, спорт чебери Эшим Кутманалиевдин элесине арналган эркин күрөш боюнча өспүрүмдөр арасында өтүүчү турнирге катышат.
Мамлекеттик дене тарбия жана спорт агенттиги маалымдагандай, турнир Бишкектеги Каба уулу Кожомкул атындагы Спорт сарайынын концерттик залында 24-25-ноябрь күндөрү өтөт.
Мелдештин жеңүүчүлөрү медаль, диплом жана баалуу байгелер менен сыйланат.
Эл аралык турнирге 1999-2001-жылы төрөлгөн өспүрүмдөрдүн катышуусу каралган.
