БИШКЕК, 14-ноя. — Sputnik. Үстүбүздөгү жылдын 10-11-декабрь күндөрү Москва шаарында кыргыз бизнесине жана ЕАЭБ шартындагы экспортуна арналган "Кыргыз Экспо 2015" бизнес-форуму өтө турганын Sputnik агенттигине иш-чаранын уюштуруучулары билдирди.
Форумдун башкы темасы — Россия жана Евразия экономикалык биримдигинин рынокторуна этап менен чыгуу, жаңы аспектилерди чагылдыруу жана ЕАЭБ мамлекеттеринин тажрыйбалары менен таанышуу болуп саналат.
Иш-чарага Кыргызстандын экспорттук мүмкүнчүлүктөрүн көрсөтүү үчүн ЕАЭБ өлкөлөрүнүн бизнес өкүлдөрү чакырылган. Форумга айыл чарба, текстиль, азык-түлүк продукцияларын өндүрүүчүлөрдүн жана жеңил өнөр жай ишкана өкүлдөрүнүн келүүсү күтүлүп жатат.
