Париж прокуратурасы терактыдан 128 адамдын өлгөнүн тастыктады

© REUTERS / Christian HartmannПариждеги теракт болгон жерде полиция кызматкери. Архив
Париждеги теракт болгон жерде полиция кызматкери. Архив - Sputnik Кыргызстан
Жазылуу
Буга чейин 127 адамдын каза болуп, дагы 180 кишинин жаракат алганы тууралуу белгилүү болгон.

БИШКЕК, 14-ноя. — Sputnik. Париж прокуратурасындагы булак алдын ала маалымат боюнча шаардагы терактылардын кесепетинен 128 адам өлүп, 99 кишинин абалы оор экенин билдиргенин Reuters агенттигинен шилтеме берүү менен РИА Новости билдирди.

Буга чейин полициядагы булак 127 кишинин каза болуп, 180 адамдын жабыркаганы тууралуу маалымдаган. Анын 80и оор абалда экени айтылган.

Франциянын элчиси Кыргызстандагы мекендештеринин коопсуздугун камсыздоону өтүнөт
Жума күнү кечинде Парижде терактылардын сериясы болду. Белгисиз адамдар 10-окруктагы ресторандын бирине ок чыгарып, Франция менен Германиянын футбол командалары беттешип жаткан "Стад де Франс" стадионунун жанынан үч жардыруу болгон. Оюнда Франция президенти Франсуа Олланд да бар экени айтылууда. Мындан тышкары, америкалык рок-группанын концерти өтүп жаткан "Батаклан" театрында 100дөй адам террорчулардын барымтасында калган. Париж мэриясынын айтымында, терактыдан 150гө чукул адам каза болгон. Театрдагы адамдарды барымтадан бошотуу маалында 110го жакын киши көз жумса, дагы 40 адам шаардын башка аймактарында набыт болгон.

Кыргызстан бийлиги Франция элине көңүл айтты, жарандар аталган өлкөнүн элчилигине гүл алып барууда.

Жаңылыктар түрмөгү
0