БИШКЕК, 12-ноя. — Sputnik. Кыргызстандын футбол боюнча курама командасы 2018-жылы Россияда өтө турган Дүйнө чемпионатына катышуу мүмкүнчүлүгү сакталууда.
Бүгүн улуттук команда Канберра шаарында австралиялык команда менен беттешип, 3:0 эсебинде утулуп калды. Биздин команда баш-аягы болуп алты ирет оюн өткөрдү. Азырынча Дүйнө чемпионатына теориялык жактан катышууга мүмкүнчүлүгү бар.
Кыргызстандык футболчулар алты оюн өткөрдү. Эгерде КРдин курама командасы калган эки беттешүүсүндө утса, эң көп дегенде 14 упай алат. Ал эми Австралия менен Иорданиянын алдында дагы үчтөн оюну бар, буга кошумча акыркы турда бири-бири менен беттешет.
Анткени менен биздин кыргызстандык команда Бириккен Араб Эмирлигинде 2019-жылы өтө турган Азия Чемпионатынын финалдык беттешүүсүнө катышуу мүмкүнчүлүгү бар. Бул мүмкүнчүлүк курама команда экинчи, ошондой эле үчүнчү орундан жакшы жыйынтык берсе гана жаралат.
