БИШКЕК, 11-ноя. — Sputnik. Жаштар саясатын ишке ашыруу милдети эми Билим берүү жана илим министрлигине жүктөлө турганын өкмөттүн маалымат кызматы билдирди.
Буга чейин өкмөттүн жаңы курамы бекитилип, андагы Эмгек, миграция жана жаштар министрлиги жоюлуп, анын ордуна Мамлекеттик миграция кызматы түзүлгөн. Министрликтин түзүмүндөгү эмгек маселеси Социалдык өнүгүү министрлигине өткөрүп берилди.
Жаштардын басымдуу бөлүгү билим берүү тармагында болгондуктан, жаштар саясатын аныктоо укугу Билим берүү жана илим министрлигине, ал эми белгиленген маселелерди ишке ашыруу милдети Мамлекеттик дене тарбия жана спорт агенттигине милдеттендирилди.
