Сариев өз сөзүндө өкмөт башчы катары бир министрди жакшылап иштете албаганы үчүн жооп бере турганын айтты.
"Эгер бир министр жаман иштесе — бул өкмөттүн жаман иштегени. Эң ириде буга мен жооп берем, мен күнөөлүмүн. Анткени, өкмөт башчы катары мен аны иштете албасам, андан талап коюп жыйынтыгын чыгара албасам, анда жетекчи катары мен жаманмын. Бирок, бул жерде аткаруу бийлиги отурат. Кыйшайбай иштеп бергиле, мына, биринчи талап ушундай", — деди ал.
Өкмөт башчы ар бир министр өзүнө берилген функцияны аткарышы керектигин баса белгиледи.
