БИШКЕК, 10-ноя. — Sputnik. Мамлекеттик орган кызматкерлеринин ортосунда өткөн спартакиаданын жыйынтыгы менен Экономика министрлиги, ал эми күч структурасынан Ички иштер министрлиги биринчи орунду ээледи.
Маалыматка ылайык, экинчи орунга Каржы министрлиги менен Куралдуу күчтөрүнүн Башкы штабы жетишсе, Монополияга каршы жөнгө салуу мамлекеттик агенттиги менен Жаза аткаруу мамлекеттик кызматы үчүнчү болду.
4-9-ноябрь күндөрү өткөн спартакиадага жалпы жонунан 37 мамлекеттик орган катышкан.
Мелдеш кол күрөш, бильярд, волейбол, оордук көтөрүү, дартс, мини-футбол, жеңил атлетика, стол тенниси, атуу, тогуз коргоол, шахмат жана аркан тартмай боюнча өттү. Мында күч структура жана укук коргоо органдары өзүнчө, ага кирбеген мамлекеттик орган кызматкерлери өзүнчө ат салышты.
