БИШКЕК, 8-ноя. — Sputnik. Коррупциянын алдын алуу жаатында мамлекеттик органдар менен бизнес коомчулуктун ортосундагы социалдык өнөктөштүктүн кымаларын иштеп чыгуу максатында 11-ноябрь күнү Коррупцияга каршы форум өтө турганын Экономика министрлиги билдирди.
Маалыматка ылайык, иш-чарага мамлекеттик орган, бизнес коомчулук, эл аралык уюм жана жарандык коомчулуктун өкүлдөрү катышмакчы.
Форумда атаандаштыкты өнүктүрүү, бизнес жүргүзүүдөгү коррупциялык тосколодуктар, адилеттүү жана этикалык стандарттарга ылайык иш алып баруу сыяктуу маселелердин талкууланышы күтүлүүдө.
Уюштуруучулардын айтымында, аталган иш-чара коррупцияга каршы мамлекеттик органдар менен бизнес коомчулуктун биргелешкен аракетин ишке ашыруучу жана социалдык өнөктөштүк механизмдерин өнүктүрүүчү аянтча болуп берет.
