"Шах-Фазиль" тарыхый - архитектуралык комплексин реставрациялоо соңуна чыгып калды

© пресс-служба министерства культуры КР"Шах-Фазиль" тарыхый - архитектуралык комплекси. Архив
Шах-Фазиль тарыхый - архитектуралык комплекси. Архив - Sputnik Кыргызстан
Жазылуу
Реставрациялоонун алкагында адистер алгач мавзолей курулган топурагын изилдеп чыгышкан. Андан кийин оңдоп-түзөө иштери дал ошондой материалдар менен жүзөгө ашырылууда.

БИШКЕК, 6-ноя. — Sputnik. "Шах-Фазиль" тарыхый-архитектуралык комплексин реставрациялоо иштери аягына чыгып калганын Маданият, маалымат жана туризм министрлиги билдирди.

Маалыматка ылайык, XI-XII кылымга таандык мавзолей алгачкы жолу 1967-жылы реконструкцияланган. Кийинчерээк, убакыттын өтүшү менен нымдуулуктан комплекс акырындап бузулуп, ичиндеги жазуулары, оюу-чийүүлөрү урай баштаган. 

"Сулайман-Тоодогу" тарыхый эстеликтер пикир келишпестиктин чордонуна айланды
Реставрациялоонун алкагында адистер алгач мавзолей курулган топурагын изилдеп чыгышкан. Андан кийин оңдоп-түзөө иштери дал ошондой материалдар менен жүзөгө ашырылууда. 

Адистер учурда комплексти реставрациялоо иштери соңуна чыгып калганын, косметикалык ремонту жүрөрүн белгилешти. Алардын айтымында, мындай аракеттер мавзолейдин дагы чейрек кылым өз калыбында турарына өбөлгө болот.

"Шах-Фазиль" тарыхый-архитектуралык комплексин Жалал-Абад облусунун Ала-Бука районундагы Гүлистан айылында жайгашкан. Ага "Арча-Мазар" ыйык тоосуна курулган Аламбердар мавзолейи менен 2700 ислам жоокерин курмандыкка чалган үңкүр, мечит, Шах-Фазиль жана Сафид-Булан мавзолейлери кирет.

Жаңылыктар түрмөгү
0
Алгач жаңыларыАлгач эскилери
loader