Майрамбектин айтымында, ал Россияга барып иштеп келгенге да үлгүргөн. Ал жакта да оңой оокат жок болгон соң, өз жерине келип, дыйканчылыкка баш оту менен киришкен. Жыйынтыгы ойдогудай болуп, 3 гектар жерден 100 тоннадан ашык дарбыз алып, эми болсо 300 тоннадан ашык түрптүн түшүмүн жыйноодо.
Жаш дыйкандардын апасы Болдукан Доорова суу келбеген какыр жерге суу чыгарып, азыр жакшы түшүм жыйнап жатышканын айтты.
"Бул жерди өкмөттөн ижарага алып иштетип жатабыз. Көчөттөрдү да насыяга алганбыз. Түшүм жакшы", — дейт ал.
Айыл чарба адиси Абдирашит Калмурзаевдин айтымында, дыйкандар менен ортомчулардын эмгеги калыс бааланбай калууда.
"Дыйкандар өстүргөн жашылча-жемиштерди арзан алган ортомчулар ага көп акча кошуп сатып, дыйкандардын эмгеги аз бааланып, ортомчулардын эмгеги көп бааланып калып жатат", — дейт ал.
Калмурзаев калыстык болбогон учурда дыйкандардын нааразычылыгы келип чыгышы мүмкүндүгүн айтат.
