БИШКЕК, 3-ноя. — Sputnik. Бир үйдөн 97 миң сомдук буюм-теримди алып кеткен каракчылар кармалганын Бишкек ШИИБ билдирди.
Маалыматка ылайык, аталган жарандар шаардын 5-кичи районунда жайгашкан үйлөрдүн биринин эшигин ачып кирип, 37 миң сом, 300 доллар жана зер буюмдарын уурдап кеткен.
Үй ээсинин арызы боюнча жасалган ыкчам аракеттердин натыйжасында 30 жаштагы Мухамеджан аттуу Бишкек шаарынын тургуну кармалган. Милиция кызматкерлеринин билдирүүсүндө, ал буга чейин үй уурулугу боюнча соттолуп чыккан.
Учурда кармалган жаран убактылуу кармоочу жайга киргизилип, анын башка кылмыштарга тиешелүүлүгү текшерилип жатат.
