Автооунаны уурдатып жиберүүдөн сактай турган сегиз жөнөкөй эреже

© AP Photo / Molly Riley, FileАвтоунаа ачкычы. Архив
Автоунаа ачкычы. Архив - Sputnik Кыргызстан
Жазылуу
Жол кайгуул кызматы кылмышкерлердин айынан автоунаасынан ажырап калгысы келбегендер үчүн кеңештерди иштеп чыкты.

БИШКЕК, 27-сен. — Sputnik. Шаардык ички иштер бөлүмүнүн кызматкерлери автоунаа ээлери үчүн атайын кеңештерди иштеп чыгышты. Алар бирөөнүн унаасын уурдай качканды каалагандын мүмкүнчүлүгүн бир топ кыскартат.

Ведомствонун маалыматына ылайык, жыл башынан бери Бишкекте эле 89 автоунаа уурдалып, алардын 74ү ээлерине кайтарып берилген.

Автоунаа урдоо. Архив - Sputnik Кыргызстан
Лейлекте эки жолу "Жигули" үлгүсүндөгү унааларды уурдай качкан жаран кармалды
Бирөөнүн машинасын мине качканды негизинен 16-25 жаштагы уландар жакшы көрөт. Андай уурулардын ар бир үчүнчүсү бир нече жолу соттолгондор.

Кылмышкерлер көбүнчө түнкүсүн "ууга" чыгат: унаалардын 80 пайызын караңгы мезгилде уурдап кетишет экен.

Жүз машинанын 65инин от алдыргычын талкалап, зымдарды түз туташтыруу менен айдап кетишет. Ал эми он бирин түрдүү нерселер менен сындырып ачышат.

Машинанын өз ачкычын ар бир бешинчи ууру колдонот, ал эми жүз машинанын төртөөнү гана от алдырбай сүйрөтүп же жүктөп кетишет.

Машинаны уурдатып жибербеш үчүн төмөнкү жөнөкөй эрежелерди сакташ керек:

 

  1. Эч качан машинаны ачык жана ачкычы сайылган абалда калтырбаңыз.
  2. Ээн жана жарыктандырылбаган жерде машинаңызды көпкө токтотуп калтырбаңыз.
  3. Автомобилди түндө гаражга же акы төлөнүүчү атайын жайга токтотуңуз.
  4. Ууру машинаңызды тез от алдыра албагыдай чараларды көрүңүз: сактык сигналын, рулду же педалдарды бекитүүчү системаны орнотуңуз.
  5. Автоунанын ичинде документтериңизди же баалуу буюмдарыңызды калтырбаңыз. 
  6. Автоунаа сатып алып жатканда эки комплект ачкычы болушун текшериңиз. Эгер машинада уурдап ачууга каршы сигнал орнотулган болсо, комплектке анын эки брелогу кириши керек.
  7. Автоунааны жеке адамдан сатып алып жатканда тийиштүү техникалык документтер менен кошо сөзсүз техникалык каражаттын паспортун талап кылыңыз.
  8. Эгер унааңызды уурдап кеткен болсо, бул туурасында дароо 102 телефонуна чалып, же жакынкы милиция бөлүмүнө кабарлаңыз. Ошондой эле техникалык паспорттогу маалыматтарды (машинанын маркасын, үлгүсүн, түсүн, мамлекеттик номерин) билдиришиңиз керек.

 

Жаңылыктар түрмөгү
0