БИШКЕК, 3-ноя. — Sputnik. Ден соолугу боюнча мүмкүнчүлүгү чектелген адамдар арасында шаар мэриясы спартакиада өткөрө турганын муниципалитет билдирди.
Маалыматка ылайык, иш-чара майыптардын эл аралык күнүнө арналат. Спартакиададан тышкары мэрия көркөм кол өнөрчүлүк фестивалын, прикладдык искусство боюнча сынак өткөрүүнү пландаштырууда.
Майып адамдардын чеберчилигин арттыруу жана коомдук активдүүлүгүн жогорулатууга багытталган иш-чарага уюмдар жана фонддордун катышары күтүлүүдө.
Спартакиада жана сынактардын жыйынтыгы менен гала-концерт тартууланат.
