БИШКЕК, 22-окт. — Sputnik. Раззаков атындагы Кыргыз мамлекеттик университетинде ден соолугу боюнча мүмкүнчүлүгү чектелген адамдар үчүн маалыматтык билим берүү борбору ачылганын Билим берүү жана илим министрлиги билдирди.
14 Тогуздун айы 2015, 09:17
Борборду ачуу салтанатына вице-премьер Валерий Диль менен билим берүү жана илим министри Элвира Сариева катышты.
Маалыматка ылайык, борбор майып адамдардын электрондук байланыш жана коммуникациялык технологияларга жеткиликтүүлүгүн камсыздайт. Мындан тышкары, борбордо атайы техникалык каражаттар пайдаланылат.
Сариева маалыматтык-билим берүү борбору ден соолугу боюнча мүмкүнчүлүгү чектелген адамдардын коммуникациялык технология жаатында тажрыйба топтоп, өлкөнүн жогорку окуу жайларынан билим алуусуна шарт түзөрүн белгиледи.
