БИШКЕК, 2-ноя. — Sputnik. Көпчүлүк коалициясы түзө турган өкмөттүн жаңы курамында Коргоо жана энергетика министрлиги болбой турганын Sputnik агенттигине Жогорку Кеңештеги булак билдирди.
Өзгөрүүлөргө ылайык, жаңы структурада биринчи вице-премьерликке Тайырбек Сарпашевдин ордуна Аалы Карашев барып, эки вице-премьердин ордун Олег Панкратов менен Гүлмира Кудайбердиева ээлери айтылууда.
Энергетика министрлигинин ордуна Улуттук энергетикалык холдинг түзүлүп, курамындагы өнөр жай багыты экономика министрлигине берилет. Ал эми Коргоо министрлигинин ордуна Коргоо иштери боюнча мамлекеттик комитет түзүлөрү маалым болду. Мындан сырткары, Эмгек, миграция жана жаштар министрлиги жоюлуп, Миграция жана жумуш менен камсыз кылуу мамлекеттик кызматы түзүлөт.
Жыйынтыгында өкмөттүн жаңы курамында 12 министрлик эки мамлекеттик комитет, 24 мекеме болот.
Жаңы өкмөттүн түзүмү:
- Премьер-министр
- Биринчи вице-премьер-министр
- Вице-премьер-министр
- Вице-премьер министр
- Өкмөт аппаратынын жетекчиси
- Экономика жана өнөр жай министрлиги
- Финансы министрлиги
- Юстиция министрлиги
- Тышкы иштер министрлиги
- Транспорт жана коммуникациялар министрлиги
- Айыл чарба жана мелиорация министрлиги
- Саламаттык сактоо министрлиги
- Билим берүү жана илим министрлиги
- Маданият, маалымат жана туризм министрлиги
- Социалдык өнүгүү министрлиги
- Өзгөчө кырдаалдар министрлиги
- Ички иштер министрлиги
- Улуттук коопсуздук мамлекеттик комитети
- Коргоо иштери боюнча мамлекеттик комитети
- Курчап турган чөйрөнү коргоо жана токой чарбасы мамлекеттик агенттиги
- Мамлекеттик байланыш агенттиги
- Дене тарбия жана спорт мамлекеттик агенттиги
- Архитектура, курулуш жана турак жай-коммуналдык чарба мамлекеттик агенттик
- Геология жана минералдык ресурстар боюнча мамлекеттик агенттик
- Монополияга каршы жөнгө салуу мамлекеттик агенттиги
- Жергиликтүү өз алдынча башкаруу иштери жана этностор аралык мамилелер боюнча мамлекеттик агенттиги
- Отун-энергетикалык комплексти башкаруу боюнча мамлекеттик агенттик
- Мамлекеттик материалдык резервдер фонду
- Милдеттүү медициналык камсыздандыруу фонду
- Мамлекеттик мүлктү башкаруу боюнча фонд
- Тамак-аш, ветеринария жана фитосанитариялык коопсуздук боюнча мамлекеттик инспекция
- Экологиялык жана техникалык коопсуздук боюнча мамлекеттик инспекция
- КР социалдык фонду
- Жазаларды аткаруу мамлекеттик кызматы
- Мамлекеттик салык кызматы
- Мамлекеттик бажы кызматы
- Финансы рыногун жөнгө салуу жана көзөмөлдөө мамлекеттик кызматы
- Мамлекеттик каттоо кызматы
- Экономикалык кылмыштуулукка каршы күрөшүү боюнча мамлекеттик кызматы (финансы полициясы)
- Финансылык чалгындоо мамлекеттик кызматы
- Интеллектуалдык менчик жана инновациялар мамлекеттик кызматы
- Баңгизаттарды контролдоо боюнча мамлекеттик кызмат
- Мамлекеттик чек ара кызматы
- Миграция жана жумуш менен камсыз кылуу мамлекеттик кызматы
- Улуттук энергетика холдинги
- Мамлекеттик активдерди башкаруу улуттук холдинги
- Стратегиялык изилдөө улуттук институту
- Жогорку аттестациялык комиссия.
