БИШКЕК, 2-ноя. — Sputnik. Премьер-министрлике талапкер Темир Сариев өкмөттүн жаңы структурасын өзү түзүп, министрлик жетекчилерин өзү тандай турганын көпчүлүк коалициясынын лидери Чыныбай Турсунбеков билдирди.
Дүйшөмбү күнү төрт фракция биримдик тууралуу макулдашууга кол коюшту. Премьер-министрликке Сариевдин, ал эми төрагалыкка Асылбек Жээнбековдун талапкерлиги көрсөтүлүүдө.
Турсунбековдун айтымында, Сариевге болгон ишеним өтө чоң, анын бири катары министрлер кабинетин түзүүгө берилген укук болуп саналат.
"Биз биригип иштешүүбүз кажет. Алдыда тез арада чечилүүнү талап кылган бир катар маанилүү маселелер турат. Мисалы, бюджеттин структурасын бекитүү", — деди "Ата Мекен" фракциясынын лидери Өмүрбек Текебаев.
"Өнүгүү — Прогресс" фракциясынын лидери Бакыт Төрөбаев көпчүлүк коалицияга кирген фракциялар депутаттык артыкчылыктардан баш тартып жатканын эскертип, ушундай эле чечимди өкмөттөн да күтөрүн белгиледи.
