БИШКЕК, 1-ноя. — Sputnik. "Талибан" кыймылы менен "Ислам мамлекети" террористтик тобунун катарынан качып жатышкан согушкерлер Өзбекстандан баш паанек табууга аракет жасоодо деп эсептешет республиканын Улуттук коопсуздук кызматынын эксперттери.
"Сирия, Ирак жана Афганистандын аскер күчтөрүнүн кысымы астында өз тобунан качкан согушкерлер биздин өлкөнүн аймагынан баш калка табууга аракет кылууда", — деп билдирген жума күнү УКК кызматкерлерине таянуу менен 12news.uz интернет басылмасы.
Мурдараак Өзбекстан республиканын калкына "Ислам мамлекетинин" идеяларынын тийгизген таасирине каршы турууга карата чараларды көргөн. Экстремисттик көз караштардын тарашына каршы атайын кызматтардын жардамы менен гана күрөшпөстөн, буга жарандарды, масс-медиа жана мусулмандар коомчулугунун өкүлдөрүн да тартууда. Алсак, Ташкентте жана өлкөнүн бардык облустарында семинарлар, жергиликтүү өз алдынча башкаруу органдарынын өкүлдөрү менен, ошондой эле укук тартибин сактоо боюнча ыктыярчылар топтору менен жолугушуулар өтүүдө.
"Ислам мамлекети" террористтик тобу бүгүнкү күндө дүйнөнүн башкы коркунучтарынын бири болуп эсептелет. Үч жыл ичинде террористтер Ирак менен Сириянын көпчүлүк жерлерин басып алышкан. Ошондой эле алар өз таасирин Түндүк Африкада, тагыраак айтканда, Ливияда жайылтуу аракетин көрүп жатат. Алардын басып алган жерлеринин жалпы көлөмү, ар кандай маалыматтар боюнча, 90 миң чарчы чакырымга жетет. Экстремисттик топтун катарындагылардын саны ар кандай маалыматтар боюнча 50 миңден 200 миңге жетет.
