БИШКЕК, 31-окт. — Sputnik. Австралиянын жалпыга маалымдоо каражаттары Кыргызстанга жана мурдагы СССРдин бир катар өлкөлөрүнө Науру жана Манус аралдарынан качкындар жиберилиши мүмкүндүгүн билдирүүдө деп кабарлайт Франс Пресс агенттиги.
Автралиянын миграция иштери боюнча министринин өкүлү Питер Даттон бул кабарга комментарий берүүдөн баш тартып, мурдатан кеп "маселени Филлипин жана башка мамлекеттер менен талкуулоо жөнүндө" болгонун эске салды.
Австралиянын мыйзамдарына ылайык, өлкөнүн жээктерине деңиз менен келип жаткан качкындарга австралиялык бийлик баш калка бербестен, келген өлкөлөрүнө кайра жөнөтүп же Науру мамлекети менен Манус аралына жибериши керек. Аталган арал Папуа-Жаңы Гвинеянын аймагына кирет. Азыркы кезде аралдарда 1,5 миңден ашык качкын бар.
КРдин бийлиги бул маалыматтарды тактап жатат.
