БИШКЕК, 31-окт. — Sputnik. Кыргызстандын борборунда мамлекеттик орган кызматкерлеринин спартакиадасы өтө турганын Мамлекеттин дене тарбия жана спорт агенттиги билдирди.
Жыл сайын өтүүчү мелдеш Бишкектин спорт базаларында 4-9-ноябрь күндөрү болот.
Спартакиаданын программасына спорттун кол күрөш, бильярд, оордук көтөрүү, дартс, мини-футбол, жеңил атлетика, стол тенниси, ок атуу, тогуз коргоол, шахмат жана аркан тартуу сыяктуу 12 түрү кирген.
Мелдеш эки тайпада өтөт. Биринчисинде укук коргоо жана күч структураларынын кызматкерлери күч сынашса, башка мамлекеттик кызматкерлери өзүнчө мелдешет.
Спартакиаданын тандоо этабында мамлекеттик органдардын жетекчилери милдеттүү түрдө катышуусу шарт. Бир кызматкердин эки таймашка катышууга укугу бар. Мелдешке маморгандарда кеминде алты ай иштеген кызматкер катыша алат.
