БИШКЕК, 30-окт. — Sputnik. Көпчүлүк коалицияны жана өкмөттү түзүү мандатын алган КСДП фракциясынын лидери Чыныбай Турсунбеков "Республика – Ата-Журт" фракциясынын лидери Өмүрбек Бабанов менен да жолукту. Бул тууралуу парламенттин маалымат кызматы билдирди.
Жолугушууда көпчүлүк коалицияга кирүүнүн шарттары, иштешүү принциптери талкууланды. Жогорку Кеңештин түзүмү боюнча Турсунбековдун ар бир фракциядан бирден төрага орун басарын шайлоонун ордуна көпчүлүктөн жана азчылыктан бирден гана вице-спикер шайлоо, комитеттердин санын 9дан ашырбоо боюнча макулдашты. Өкмөт түзүмү боюнча да мунасага келишти. Ал эми курамын кийинки отурумда талкуулашмакчы.
Октябрь айынын башында өткөн парламенттик шайлоодо алты партия жети пайыздык босогодон өткөн. Алар: КСДП, "Республика – Ата-Журт", "Кыргызстан", "Өнүгүү — Прогресс", "Бир бол" жана "Ата Мекен" партиялары өткөн.
