БИШКЕК, 30-окт. — Sputnik. Дарыгер адистигине ээ Уругвайдын президенти Табаре Васкес абада аллергиялык реакцияга дуушар болгон 17 жаштагы француз кызына медициналык жардам көрсөткөнүн The Telegraph басылмасы жарыялады.
Андан кийин жабыр тарткан кыздын жер жаңгакка аллергиясы бар экени аныкталган. Кызынын дем албай калганын байкаган энеси жардам сураган. Учакта президент менен анын жеке дарыгеринен тышкары бир дагы доктур болгон эмес.
Алар кызды эс-учуна келтирип, дары ичирип, дары сайганга жетишкен.
"Өз маалында келип калбаганыбызда окуя кандай болуп бүтөрү белгисиз эле", — деди президенттин дарыгери.
Доктор Селяран бул өлкө башчынын учакта медициналык жардам көрсөтүп, жарандардын өмүрүн сактап калган үчүнчү учуру экенин белгилеп өттү.
Учак келип конгондон кийин кыздын энеси кызынын өмүрүнө аралжы болгон президент менен анын дарыгерине ыраазычылыгын билдирди.
