БИШКЕК, 28-окт. — Sputnik. Улуттук китепканада улуу акын Алыкул Осмоновдун музейи ачылганын Маданият, маалымат жана туризм министрлиги билдирди.
Алыкулдун 100 жылдык мааракесинин алкагында өткөрүлүп жаткан иш-чарада кыргыз жана орус тилдеринде "Сен ооруба, мен ооруюн, Ата Журт" аттуу библиографиялык энциклопедиянын бет ачары өттү.
Музейдин ачылышына катышкан вице-премьер Дамира Ниязалиева болгону 35 жыл өмүр сүргөн акын артында өлбөс-өчпөс эмгек калтырып, анын саптары кайсы мезгил болбосун актуалдуулугун жоготпой келерин белгилеп өттү.
Эртең, 29-октябрь күнү саат 14.00дө Токтогул Сатылганов атындагы улуттук филармонияда акындын 100 жылдык мааракесине арналган салтанаттуу концерт өтөт.
