БИШКЕК, 27-окт. — Sputnik. Эртең Жогорку Кеңешке шайланган VI чакырылыштын депутаттарынын биринчи жыйыны болуп, мандат алышы күтүлүүдө. Бул туурасына Sputnik маалымат сайтына КСДП партиясынын лидери Чыныбай Турсунбеков билдирди.
"БШКнын мандаттардын тапшырылышын эртең болот деп күтүп жатабыз", — деди Турсунбеков.
Мыйзамга ылайык, жаңы чакырылыштагы депутаттардын алгачкы жыйыны 30-октябрдан кеч эмес өтүшү керек. Ал эми так күнүн жеңүүчү аталган партиялар түзгөн топ аныктайт.
Шейшемби күнү БШК төрагасы Туйгунаалы Абдраимов алтынчы чакырылыштагы депутаттардын биринчи жыйыны эмки аптада болорун билдирген.
4-октябрда өткөн парламенттик шайлоонун жыйынтыгы менен Жогорку Кеңешке алты саясий партия келет.
