БИШКЕК, 21-окт. — Sputnik. Мыйзамга ылайык, жаңы чакырылыштагы депутаттардын алгачкы жыйыны 30-октябрдан кеч эмес өтүшү керек. Ал эми так күнүн жеңүүчү аталган партиялар түзгөн топ аныктайт. Бул тууралуу парламенттин маалымат кызматы кабарлады.
Жогорку Кеңеш айрым маалымат каражаттарында жарыяланган "парламенттин алтынчы чакырылыштагы депутаттардын иши мыйзам бузуу менен башталууда" деген маалыматты четке кагып, мыйзамда жаңы чакырылыш ишин шайлоонун расмий жыйынтыгы чыккандан кийин 15 күндөн кеч эмес убакытта өткөрүлүшү керек деп жазылганын жүйөгө келтирет.
"БШК расмий жыйынтыкты 15-октябрда жарыялады. Мындан улам жаңы чакырылыштагы депутаттардын биринчи жыйыны 2015-жылдын 30 октябрына чейин өткөрүлүшү керек", — деп айтылат билдирүүдө.
Шайлоодо жеңишке жеткен партиялар даярдоочу топ түзгөн, ал биринчи жыйын өткөрүлө турган күндү аныктайт.
Жыйындын так күнү аныкталгандан кийин Жогорку кеңештин аппараты сессияга үч күн калганда БШКнын каттоосунан өткөн депутаттарга тийиштүү документтерди жиберилет.
Эл өкүлдөрүнө берилүүчү документтер:
Шейшемби күнү БШК төрагасы Туйгунаалы Абдраимов алтынчы чакырылыштагы депутаттардын биринчи жыйыны эмки аптада болорун билдирген.
4-октябрда өткөн парламенттик шайлоонун жыйынтыгы менен Жогорку Кеңешке алты саясий партия келет.
