Афганистанда болгон жер титирөөнүн кесепети Чоң-Алайга да тийди

Жазылуу
Жердин силкинүүсү Баткен, Жалал-Абад, Ош, Нарын облустарында 4 балл, Чүй облусунда 3,5-4 балл жана Бишкек шаарында 3 балл сезилген.

БИШКЕК, 27-окт. — Sputnik. Ош облусунун Чоң-Алай районунда жер титирөөнүн кесепетинен Кара-Мык айылындагы үйлөрдө майда жаракалар пайда болду. Бул тууралуу Өзгөчө кырдаалдар министрлиги билдирди.

ТЭЦ кызматкери. Архив - Sputnik Кыргызстан
Жер титирөө: Кыргызстандагы ГЭСтер менен ТЭЦ кадимки калыбында иштеп жатат
Улуттук илимдер академиясынын Сейсмология институтунун маалыматы боюнча Афганистанда 26-октябрь күнү саат 15:09да очогунда 9-10 баллга жеткен жер титирөө катталган.

Жарандык коргонуу комиссиясы 5-6 турак-жайды жеринен текшерип, кооптуулук жок экенин тактаган. Жабыркагандар жана кыйроолор жок. 

Маалыматка ылайык, жердин силкинүүсү Баткен, Жалал-Абад, Ош, Нарын облустарында 4 балл, Чүй облусунда 3,5-4 балл жана Бишкек шаарында 3 балл сезилген.

Жаңылыктар түрмөгү
0