БИШКЕК, 26-окт. — Sputnik. Үстүбүздөгү жылдын 15-октябрынан тарта бир тараптуу болгон Бөкөнбаев менен Киев көчөлөрүндө жол кыймылынын багыты кайрадан өзгөрө турганын Бишкектин мэриясы билдирди.
Буга чейин Жаш гвардия бульварынан Абдырахманов көчөсүнө чейинки Киев көчөсүнүн бөлүгү чыгыш тарапты көздөй, ал эми Кулиев көчөсүнөн Абдырахмановго чейинки Бөкөмбаев батыш тарапты көздөй бир багыттуу болгон.
Эми "жол кыймылын уюштурууну жакшыртуу" максатында 30-октябрдан тарта Кулиев көчөсүнөн Жаш гвардия бульварына чейинки аралык эки багыттуу, ал эми Киев көчөсүнүн Абдрахманов көчөсүнөн Ибраимовго чейинки бөлүгү бир тараптуу болушу күтүлүүдө.
Бишкектин бир тараптуу борбордук көчөлөрүндө кыймылдын өзгөрүшү
