БИШКЕК, 25-окт. — Sputnik. КМШ өлкөлөрүнүн космостогу кызматташуусу боюнча протоколго жума күнү Минск шаарында кол коюлганын Роскосмос билдирди.
Маалыматка ылайык, Россия, Белоруссия, Армения, Казахстан, Кыргызстан, Украина жана Азербайджан өкүлдөрү эл аралык илимий-изилдөө уюм — Бириккен космостук изилдөө институтун түзүүгө макулдашышты.
Акыркы протоколго КМШ өлкөлөрүнүн аткаруу бийлигинин өкүлдөрү катышкан эки күндүк жыйындын жыйынтыгы менен кол коюлган.
Макулдашуу КМШнын мындан аркы өнүктүрүү Концепциясында бекитилген артыкчылыктардын эсеби менен түзүлгөн.
