Сариев: кылмышкерлердин укугун коргоп чыккандар эми сөзүнө жооп берсин

Жазылуу
Өкмөт башчы мамлекет мыйзамдын чегинде ар бир чыккынчы, ар бир экстремистке каршы катуу жол менен күрөш жарыялай турганын белгиледи.

БИШКЕК, 23-окт. — Sputnik. Түрмөдөн качкан кылмышкерлердин укугун коргоп чыккан адамдар эми келип өлгөн жоокердин үй-бүлөсүнүн алдында жооп берсин, деди премьер-министр Темир Сариев курман болгон Төлөбек Исмаилов менен коштошуу зыйнаты учурунда.

Анын айтымында, акыркы кезде мекенчил болумуш болуп, ар кандай кептерди чыгаргандар кездешүүдө.

"Кайдагы бир гумандуулукка чакырган адамдарга айтат элем — эми келип жооп бергиле айткан сөздөрүңөргө. Эненин алдында, өмүрлүк жубайынын алдында жооп берсин. Ар бир нерсенин чеги болот. Мамлекет мыйзамдын чегинде ар бир чыккынчы, ар бир экстремистке каршы ушундай гана катуу жол менен күрөш жарыялайт. Биз муну токтотпойбуз", — деди өкмөт башчы.

Кечээ, 22-октбярь күнү түнкү саат 22.30да "Достук" кичирайонунда жашырынып жаткан Итибаев жок кылынган. Үч саатка созулган атайын операциянын натыйжасында милициянын капитаны 37 жаштагы Төлөбек Исмаилов менен бирге жай тургундар да каза болгон.

Жаңылыктар түрмөгү
0