Кылмышкер Алтынбек Итибаев жашынып, атышкан батирден тартылган кадрлар

Жазылуу
Түрмөдөн качкан кылмышкер Алтынбек Итибаев жок кылынган үйдөн тартылган видео тартип коргоо органдарынан алынды.

Поиски беглецов заключенных из СИЗО №50 - Sputnik Кыргызстан
Курман болгон жоокер Төлөбек Исмаиловдун артында аялы менен үч баласы жетим калды
"Достук" кичи районунда жашырынып отурган, мындан он бир күн мурун түрмөдөн качкан кылмышкер Алтынбек Итибаевди кармоо боюнча атайын операция болду. Ал милиция менен атышып, каршылык көрсөткөн. Үч саатка созулган атайын операциядан кийин кылмышкер жок кылынган. Аны менен кошо ИИМдин атайын даярдыктагы ыкчам отряддын жоокери башына тийген октон курман болуп, бири колунан жаракат алды. Буга чейин эркек киши каза тапкандыгы кабарланган. Милициядан бул операция учурунда дагы эки жаран — кемпир жана анын күйөө баласы өлгөндүгүн билдиришти.

ИИМ: Атайын операция учурунда эки жай жаран каза болду
Өткөн аптанын башында 50-түрмөдөн тогуз кылмышкер ЖАМКтын үч кызматкерин өлтүрүп, дагы бири оор жарадар кылып качып чыгышкан. Ооруканага жеткирилген офицер беш күндөн кийин эсине келбей каза болгон.

Качкан кылмышкерлердин бешөө ошол эле түнү кармалып, төртөө из суутканга үлгүргөн. Атайы операциянын натыйжасында алардын экөө жок кылынган. Бирөөсү Эдил Абдырахманов бүгүн "Ала-Тоо" айылынан кармалган. Ал эми түрмөгө кайтарылган кылмышкерлердин үчөө ооруканадан үч күндүн ичинде каза болду.

Издөөдө Итибаев жалгыз калган эле.

Жаңылыктар түрмөгү
0