БИШКЕК, 14-окт. — Sputnik. Акыркы 20 жыл ичинде ден соолугу боюнча мүмкүнчүлүгү чектелген адамдардын саны 50 пайызга жогорулаганын Улуттук статистикалык комитет билдирди.
Маалыматка ылайык, 1994-жылы майыптардын саны 7,8 миңдин тегерегинде болчу. Ал эми былтыр мындай адамдардын саны 12 миңге жеткен.
Мүмкүнчүлүгү чектелген адамдардын үчөөнүн экөө экинчи топтогу майыптар. Саламаттыгы көзөмөлгө муктаж мындай адамдардын саны Кыргызстанда 8 миңге жакын.
2,5 миң жаран үчүнчү топтогу майыптарга кирет.
20 жыл ичинде кесибине байланыштуу майыптык алган кыргызстандыктардын саны 4,5 эсеге азайган. Былтыр мындай адамдардын саны болгону 74тү түзгөн.
