БИШКЕК, 22-окт. — Sputnik. Кыргызстандык сүрөтчү Анастасия Ермолина Эл аралык төртүнчү Open Eurasia book forum and literature festival сынагынын "Иллюстрация" категориясында финалга чыкканын конкурстун Борбордук Азия боюнча өкүлчүлүгү билдирди.
Быйыл кыргызстандык сүрөтчү "Девочка-мухотаракан: Превращение" деп аталган балдар китебине сүрөт тартуу боюнча өзүн сынап көргөн. Учурда экинчи китеп иллюстрацияланып жатат.
"Иллюстрация" категориясынын финалисттери 2016-жылы Лондондо жарык көрө турган "Адабий чыгарма" номинациясы боюнча жеңүүчүнүн китебине сүрөт тартуу мүмкүнчүлүгүнө ээ болушат.
Жеңүүчүлөр OECA Book Forum and Literature Festival – 2015 фестивалынын алкагында өтө турган аземде жарыяланып, байгелер тапшырылат. Сынак 6-9-ноябрь күндөрү Кембридж жана Лондон шаарларында өтөт.
Конкурстун байге фонду 36 миң долларды түзөт.
