Дене тарбия агенттиги: мектеп окуучуларын сабаган балдар окуу жайдан чыгарылат

Жазылуу
Дене тарбия жана спорт агенттигинен билдиришкендей, олимпиадалык резерв мектебинин жетекчилерин кызматтан алуу маселеси каралат. Себеби бир айдын ичинде эле аталган мектептин окуучулары эки жолу мушташкан.

БИШКЕК, 20-окт. — Sputnik. Республикалык олимпиадалык резерв мектебинин тарбиялануучулары №38 мектептин окуучуларын сабаганын Дене тарбия жана спорт агенттигинин маалымат катчысы Нурдин Султамбаев Sputnik агенттигине тастыктады.

38-мектептеги милиция кызматкерлери. - Sputnik Кыргызстан
№38 мектепке кол салган деп шектелип спорт мектебинин 47 окуучусу кармалды
Буга чейин №38 мектептин директорунун орун басары Маливакан Наматова колуна союл көтөргөн жүзгө чукул спорт кийимчен балдар мектепке чейин кирип келип, окуучуларды канжалатып сабап кеткенин билдирген. Анын айтымында, беш окуучунун көзү-башы жарылып жаракат алышкан. Аларга мектептин дарыгери жардам берип, жараатын таңган. 

Наматова дене тарбия жана спорт агенттиги тарабынан спорт мектептин жетекчилигинен тарта мушташка катышкан тарбиялануучуларга чейин катуу жаза көрүлөрүн белгилеген.

"Бул мектепте окугандардын күнөөсү аныктала турган болсо, алар окуудан чыгарылат. Учурда канча окуучу мушташка катышканы тактала элек. Окуя болгон жерде агенттиктин жетекчилиги иш алып барууда", — деди ал.

Средняя школа №44 - Sputnik Кыргызстан
Наматова: Спорт мектепбинин балдары №38 мектептин ичине кирип, окуучуларды сабап кетти
Эки мектептин окуучулары буга чейин да мушташып, бычакташа кетишкен. Анын кесепетинен алты бала жаракат алган. Аталган окуядан кийин түшүндүрүү иштери болуп, эки мектептин окуучуларынын ортосунда интеллектуалдык мелдештерди өткөрүү боюнча иштер пландалып жатканын кошумчалады.

Бул окуядан кийин спорт мектептин директорунун орун басарлары жумуштан алынган. 

"Эми спорт мектептин жетекчисин кызматтан алуу маселеси турат. Себеби, эки мушташ кыска убакыттын ичинде болду. Түшүндүрүү иштери жетишсиз болгон", — деди Султамбаев.

ШИИБден билдиргендей, мушташка катышты деп шектелип, 47 окуучу кармалды.

Жаңылыктар түрмөгү
0