БИШКЕК, 17-окт. — Sputnik. Ысык-Көл облусунун Кең-Суу айылынын тургуну Мыктыбек Мукаев Comedy Баттл телешоусунун акыркы сезонунун жарым финалына өттү.
Катышуучуларга өз баасын берген калыстар Сергей Светлаков, Руслан Белый жана Ольга Бузова Мыктыбектин тамашаларына боору эзилгиче күлүп, жарым финалга өткөрүштү. Кубанычы койнуна батпаган Мыктыбек "Кыргызстан жарым финалга чыкты!" деп кыйкырып алды.
Бул жолку тамашасында Мыктыбек Кыргызстандын мамлекеттик карызы, метро жана миграция маселеси тууралуу айтты.
Кыргызстандык юморист буга чейин да калыстарды өзүнүн тамашалары менен таң калтырып, алардын купулуна толгон болчу.
