"Азия MIX" КВНдин жогорку лигасына өтпөй калды

Жазылуу
Команда эки конкурстун жыйынтыгы менен биринчи болуп келе жатып, акырында Белгород менен Ярославлдан келген атаандаштарына утулуп калды.

БИШКЕК, 10-окт. — Sputnik. Кыргызстандын "Азия MIX" КВН командасы Шайырлар жана тапкычтар клубунун Жогорку лигасына өтө албай калганы КВНдин расмий сайтына жарыяланды.

Экинчи жарым финалдык оюн жума күнү Москвадагы Россиялык армия театрында өттү. Кыргызстандыктар Белгороддун "Детективное агентство "Лунный свет", астаналык "Спарта", Ярославлден келген "Радио Свобода" жана москвалык "Горизонт" командалары менен күч сынашты. 

Шайырлар жана тапкычтар клубунунун оюну. Архив - Sputnik Кыргызстан
"Азия MIX" командасы Москвадагы жарым финалдык оюндарга даярдык көрүүдө
Ал эми оюнчуларды Пелагея, Константин Эрнст, Александр Ревва, Дмитрий Нагиев жана Юлий Гусмандан турган калыстар тобу баалады.

Алгачкы "Саламдашуу" конкурсунда кыргызстандык команда менен "Детективное агентство "Лунный свет" эң жогорку делген беш упай алышкан.

"Музыкалык биатлон" "Азия MIX" командасына дагы бир упай берген. Бишкектиктер бул жерде катарлаш келе жаткан командадан озуп чыккан. 

Ал эми "Сюжет" сынагында кыргызстандыктар белгороддук атаандаштарга алдырып жиберишти.

Акыркы "Видеоклип "Мне сверху видно все" сынагында "Азия MIX" 3,6 упайга ээ болуп, казакстандык "Спарта" жана Москванын "Горизонт" командаларын артка калтырганы менен эки атаандашынан утулуп калган. 

"Оюндун жыйынтыгы менен финалга "Детективное агентство "Лунный свет" жана "Радио Свобода" командалары чыкты", — деп айтылат билдирүүдө.

КВн оюну. Архив - Sputnik Кыргызстан
"Азия MIX" КВН командасы экинчи ирет "Астана кубогун" утуп алды
Июль айында "Азия MIX" тарыхта биринчи жолу "Голосящий КиВиН — 2015" музыкалык фестивалдан байгелүү кайткан.

Кыргызстандык команда 30-апрелде Москвада 10 упайдын 9,8 упайына ээ болуп, КВНдин жарым финалына чыгуу менен оюн жыйынтыгы боюнча биринчи орунга ээ болгон. Ага "Азия MIX" (Кыргызстан), "Плохая компания" (Красноярск), "Сборная города Мурманска", "Горизонт" (Москва), Грузия курамасы (Тбилиси) жана "Приоритет ДГТУ" (Ростов-на-Дону) командалары катышкан.

Жаңылыктар түрмөгү
0