Ниязалиева: Саламаттык сактоо министрлиги мампрограмманын ишке ашырылышын көзөмөлдөөсү керек

© РИА Новости / Аврора . пресс-служба ЖК КРВице-премьер-министр Дамира Ниязалиева. Архив
Вице-премьер-министр Дамира Ниязалиева. Архив - Sputnik Кыргызстан
Жазылуу
Өлкө аймагында ВИЧ илдетин жуктурган алты миң 192 киши бар. Алардын беш миң 912си Кыргызстандын жарандары.

БИШКЕК, 13-окт. — Sputnik. ВИЧ боюнча эпидемиологиялык абалды турукташтыруу боюнча мамлекеттик программага ылайык, абалды жакшыртуу үчүн каралган иш-чаралардын 35и ишке ашпаганын вице-премьер-министр Дамира Ниязалиева жыйында билдирди.

"Саламаттык сактоо министрлиги өзүнө коюлган тапшырмаларды толук аткара алган жок. Бул максатка көп каражат бөлүнүп жатат, мисалы, акыркы эки жылда 50 миллион доллар сарпталса да, биз сезилерлик жыйынтык көргөн жокпуз", — деди ал.

Саламаттык сактоо министринин орун басары Олег Гуриндин айтымында, 1-сентябрга алынган маалымат боюнча өлкө аймагында ВИЧ илдетин жуктурган 6 миң 192 киши бар. Алардын 5 миң 912си Кыргызстандын жарандары.

Вице-премьер-министр Дамира Ниязалиева. Архив - Sputnik Кыргызстан
Ниязалиева: КР Кыргызстанда эне өлүмү, кургак учук, ВИЧ/СПИД маселелери курч турат
ВИЧ боюнча эпидемиологиялык абалды турукташтыруу боюнча мамлекеттик программаны ишке ашыруу үчүн мамлекеттик бюджеттен 20 миллион доллар, донорлор тарабынан 68 миллион доллар бөлүнгөн. Бүгүнкү күнү анын 50 миллион долларга жакыны гана колдонулган.

Вице-премьер-министр Саламаттык сактоо министрлигине Глобалдык фонддун гранттары башкаруу тобунун ишин кайта киргизип, мамлекеттик программалардын ишке ашышын жеке көзөмөлгө алуусун тапшырды. Шалаакы мамиледен улам, мамлекеттик бюджеттен жылына 10 миллион сомдой каражат текке кетип жатканын кошумчалады.

Жаңылыктар түрмөгү
0