БИШКЕК, 12-окт. — Sputnik. №50 тергөө багында отургандар качып жаткан кезде бүтүндөй объект боюнча жарык өчүрүп турган болчу деп билдирди ЖАМКнын башкы оперативдүү тартиптик башкармалыгынын жетекчиси Саламат Абдиев.
"Жарыкты өчүрчү рубильникти камерадан качып чыккандар басып салышкан. Бирок бизде аба ырайына байланыштуу кээде жарык өчүп калган учурлар болот. Дизелдик генератор бар,болгону менен, ал объектини тегерте гана жарыктандырып турат", — деди Абдиев.
Дүйшөмбүгө караган түнү №50 тергөө абагынан камакта отурган тогуз адам качып кеткен. Аларды токтотууга аракет кылган ЖАМК кызматкерлеринин үчөө өлүп, бирөө оор жарадар болгон. Мекеменин кызматкери кылмышкерлердин качкандыгы жана алар айдап кеткен автоунаанын маркасы жөнүндө кабар берген. Кийинчерээк качкандардын бешөө кайра кармалып, төртөө из жашырып кеткенге үлгүргөн.
