БИШКЕК, 10-окт. — Sputnik. Кыргызстанда Салбурун боюнча Эл аралык турнир өтө турганын Мамлекеттик дене тарбия жана спорт агенттиги билдирди.
Салбурун федерациясынын 10 жылдыгына арналган иш-чара 24-25-октябрь күндөрү Ысык-Көлдүн Бөкөмбаев айылында өтөт. Ага Казакстан, Монголия, Түркмөнстан, Өзбекстан, Катар жана Түркиянын мыкты мүнүшкөрлөрү жана жаачылары келмекчи.
Турнирдин негизги максаты кыргыз элинин маданий мурасын сактоо жана жайылтуу, ошондой эле достукту бекемдөө болуп саналат.
Мелдеш шумкар таптоо, чырга тартуу, тайгандардын жарышы, жаа атуу боюнча өтүп, ат чабыш, кыз куумай менен коштолот.
Жеңүүчүлөр кубок жана медалдар менен сыйланат.
