БИШКЕК, 10-окт. — Sputnik. Бишкек мэриясы УКМК менен биргеликте муниципалдык менчик башкармалыгынын бир катар кызматтык жана каржылык мыйзам бузууларын аныктап чыкканын аталган мекеме билдирди.
Маалыматка ылайык, сентябрь айында "Имарат-сервис" ишканасынын жер тилкелери үчүн ижара акысынын жасалма квитанциялары табылган. Мындан тышкары, ижара акысынын негизсиз төмөндөтүлгөнү аныкталган.
Мындан улам мамлекетке жалпы жонунан 1 миллион 827 миң 250 сом өлчөмүндө материалдык зыян келтирилген.
Чогулган материалдардын негизинде муниципалдык менчик башкармалыгына карата Свердлов жана Октябрь райондук прокуратуралары тарабынан кылмыш иши козголду.
Учурда тергөө иштери жүрүүдө.
