БИШКЕК, 6-окт. — Sputnik. Бишкек мэриясы көчөлөргө сары түстөгү жол чийиндерин түшүрүп жатканын шаардык муниципалитет билдирди.
Маалыматка ылайык, мындай кадам эксперимент үчүн жасалууда. Буга чейин сары өңдөгү жол чийиндери Токтогул, Шопоков, Раззаков, Орозбеков жана Калык Акиев көчөлөрүнө тартылган. Учурда Жаш гвардия бульварындагы көчөлөргө түшүрүлүүдө.
"Бишкекасфальтсервис" ишканасынын билдирүүсүндө, мындай түстөгү жол чийиндери Европа менен Россиянын ири шаарларында кеңири колдонулат. Анткени, бел белгилер алыстан эле даана көрүнүп, жол кырсыктарынын алдын алууга шарт түзөт.
Мэрия, эгер сары түстөгү жол чийиндери жол кырсыктарынын санын азайтууга жардам берсе, эмдиги жылы шаардын бардык көчөлөрүнө ушул түстү пайдалануу каралып жатканын белгиледи.
