Тендер өткөрүүдө кол ийрисине тарткан билим берүү бөлүмүнүн өкүлдөрүнө иш козголду

Жазылуу
Мектепке курулуш материалдарын сатып алуу үчүн өткөн тендер мыйзамды одоно бузуу менен жүргөнүн УКМК билдирди.

БИШКЕК, 8-окт. — Sputnik. Ысык-Көл облусунун Тоң районунун билим берүү бөлүмүнүн кызматкерлери тендер өткөрүүдө кол ийрисине тартып, мыйзам бузууга барганын Улуттук коопсуздук боюнча комитети аныктады.

Врачтын кийим-кечеси. Архив - Sputnik Кыргызстан
Айдоочулук күбөлүк үчүн жасалма справка берген дарыгерлер камакка алынды
Маалыматка ылайык, 2014-жылы райондогу мектептердин бирине курулуш материалдарын сатып алуу боюнча тендер жарыяланып, ага төрт арыз келип түшкөн. Бирок эки арыз эч кандай негизи жок эле тендерден четтетилген. Андан сырткары, курулуш материалдарын арзан баада сатып берүү айткан арыз ээсинин сунушу эске алынбай, кымбат бааны сунуштаган жеке ишкер тендерди утуп алган.

Аталган факты боюнча Улуттук коопсуздук боюнча мамлекеттик комитеттин Коррупцияга каршы күрөшүү кызматы тарабынан Кылмыш жаза кодексинин 304-беренеси (Кызматтык абалынан кыянаттык менен пайдалануу) жана 189-беренеси (Аукцион же тендер өткөрүүнүн тартибин бузуу) боюнча кылмыш иши козголду.

Тергөө амалдары жүрүүдө.

Жаңылыктар түрмөгү
0